వన్డేల్లో ప్రపంచ రికార్డు.. శుభ్‌మన్‌ గిల్‌ను వెనక్కి నెట్టిన హ్యారీ బ్రూక్‌!

వన్డే క్రికెట్‌ చరిత్రలో ఇంగ్లాండ్‌ కెప్టెన్‌ హ్యారీ బ్రూక్‌ సరికొత్త రికార్డు సృష్టించాడు. శ్రీలంకతో రావల్పిండిలో జరిగిన వన్డే మ్యాచ్‌లో కేవలం 114 బంతుల్లోనే ద్విశతకాన్ని పూర్తి చేసి, అత్యంత వేగంగా డబుల్‌ సెంచరీ సాధించిన బ్యాటర్‌గా నిలిచాడు. ఇప్పటివరకు ఈ రికార్డు 117 బంతుల్లో ద్విశతకం చేసిన భారత ఆటగాడు శుభ్‌మన్‌ గిల్‌ పేరిట ఉండేది. బ్రూక్‌ మొత్తం 116 బంతుల్లో 202 పరుగులు చేసి, 21 ఫోర్లు, 10 సిక్సర్లతో చెలరేగాడు. వన్డేల్లో ఇంగ్లాండ్‌ తరఫున ద్విశతకం సాధించిన తొలి బ్యాటర్‌గా కూడా చరిత్రకెక్కాడు. గతంలో న్యూజిలాండ్‌పై బెన్‌ స్టోక్స్‌ చేసిన 182 పరుగులే ఇంగ్లాండ్‌ బ్యాటర్‌ అత్యధిక వ్యక్తిగత స్కోరుగా ఉండేది.

మరోవైపు, టెస్టుల్లో ట్రిపుల్‌ సెంచరీ, వన్డేల్లో డబుల్‌ సెంచరీ, టీ20 అంతర్జాతీయ క్రికెట్‌లో సెంచరీ సాధించిన రెండో ఆటగాడిగా బ్రూక్‌ నిలిచాడు. ఈ ఘనత సాధించిన తొలి క్రికెటర్‌ వెస్టిండీస్‌ దిగ్గజం క్రిస్‌ గేల్‌. అంతేకాకుండా, వన్డేల్లో నాలుగో స్థానంలో బ్యాటింగ్‌కు వచ్చి ద్విశతకం సాధించిన తొలి ఆటగాడిగా బ్రూక్‌ మరో మైలురాయిని అందుకున్నాడు. నాన్‌-ఓపెనర్‌గా వన్డేల్లో అత్యధిక వ్యక్తిగత స్కోరు సాధించిన ఆటగాడిగా గ్లెన్‌ మాక్స్‌వెల్‌ (201 నాటౌట్‌) రికార్డును అధిగమించి 202 పరుగులతో అగ్రస్థానానికి చేరుకున్నాడు.