జాతీయ జూనియర్‌ అథ్లెటిక్స్‌లో తెలంగాణ అమ్మాయి సత్తా..

జాతీయ జూనియర్‌ అథ్లెటిక్స్‌ ఛాంపియన్‌షిప్స్‌లో తెలంగాణకు చెందిన తోలెం శ్రీతేజ అద్భుత ప్రతిభ కనబరిచింది. ఈనాడు సీఎస్‌ఆర్‌ కార్యక్రమం ‘లక్ష్య’ ద్వారా ప్రోత్సాహం పొందుతున్న శ్రీతేజ 100 మీటర్ల హర్డిల్స్‌ విభాగంలో స్వర్ణ పతకాన్ని సాధించింది. ఈ పోటీలో ఆమె 14.10 సెకన్లలో లక్ష్యాన్ని చేరుకుని అగ్రస్థానంలో నిలిచింది. జాతీయ స్థాయి పోటీల్లో పసిడి పతకం సాధించడం ద్వారా శ్రీతేజ తన ప్రతిభను చాటుకుంది. యువ క్రీడాకారులకు తగిన ప్రోత్సాహం, శిక్షణ అందిస్తే వారు ఉన్నత విజయాలు సాధించగలరనే విషయాన్ని ఆమె ప్రదర్శన మరోసారి నిరూపించింది.

ఇదే ఛాంపియన్‌షిప్స్‌లో ‘లక్ష్య’ కార్యక్రమానికి చెందిన మరో తెలంగాణ అథ్లెట్‌ లవ్లిత్‌ కూడా పతకం సాధించాడు. మెడ్లీ రిలే విభాగంలో అతడు కాంస్య పతకాన్ని గెలుచుకున్నాడు. జాతీయ స్థాయిలో శ్రీతేజ స్వర్ణం, లవ్లిత్‌ కాంస్యం సాధించడం తెలంగాణ యువ అథ్లెట్లకు ప్రోత్సాహాన్నిచ్చే పరిణామం. వీరి విజయాలు క్రీడలపై ఆసక్తి, కఠోర శ్రమ, పట్టుదలతో పాటు ప్రతిభావంతులైన క్రీడాకారులను గుర్తించి ప్రోత్సహించే కార్యక్రమాల ప్రాధాన్యాన్ని తెలియజేస్తున్నాయి.