ఆస్ట్రేలియాపై బవుమా వీరోచిత ఇన్నింగ్స్‌..

ఆస్ట్రేలియాతో జరుగుతున్న రెండో టెస్టులో దక్షిణాఫ్రికా కెప్టెన్‌ టెంబా బవుమా అద్భుత ప్రదర్శనతో జట్టును ఆదుకున్నాడు. తొలి టెస్టులో ఓటమితో సిరీస్‌లో వెనుకబడిన సఫారీ జట్టు రెండో మ్యాచ్‌లోనూ ఆరంభంలో తడబడినా.. బవుమా భారీ సెంచరీతో గట్టి స్కోరు సాధించింది. గెబెరాలో జరుగుతున్న ఈ మ్యాచ్‌లో దక్షిణాఫ్రికా తొలి ఇన్నింగ్స్‌ను 425/9 వద్ద డిక్లేర్‌ చేసింది. బవుమా 334 బంతుల్లో 18 ఫోర్లు, ఒక సిక్స్‌తో 179 పరుగులు సాధించాడు. మార్కో యాన్సన్‌ (85 నాటౌట్‌), సిమోన్‌ హర్మర్‌ (82) కూడా కీలక పరుగులు జోడించారు.

ఈ ఇన్నింగ్స్‌తో బవుమా పలు అరుదైన రికార్డులను నమోదు చేశాడు. ఆస్ట్రేలియాపై టెస్టుల్లో 150కిపైగా పరుగులు చేసిన పెద్ద వయసు కెప్టెన్‌గా నిలిచాడు. అలాగే దక్షిణాఫ్రికా గడ్డపై 150కిపైగా పరుగులు చేసిన పెద్ద వయసు కెప్టెన్లలోనూ చోటు సంపాదించాడు. స్వదేశంలో దక్షిణాఫ్రికా కెప్టెన్‌గా అత్యధిక వ్యక్తిగత స్కోర్లు సాధించిన ఆటగాళ్ల జాబితాలో మూడో స్థానానికి చేరాడు. అనంతరం బ్యాటింగ్‌కు దిగిన ఆస్ట్రేలియా తొలి ఇన్నింగ్స్‌లో నాలుగో రోజు లంచ్‌ సమయానికి 69 పరుగులకే ఆరు వికెట్లు కోల్పోయి కష్టాల్లో పడింది.