వాట్సాప్ వెబ్, విండోస్‌లో అడోబ్ అక్రోబాట్ ఇంటిగ్రేషన్..

అడోబ్ అక్రోబాట్ను వాట్సాప్ వెబ్ మరియు వాట్సాప్ విండోస్ యాప్‌తో అనుసంధానం చేసినట్లు Adobe ప్రకటించింది. ఈ కొత్త ఫీచర్‌తో వినియోగదారులు చాట్ విండో నుంచే PDF ఫైళ్లను నేరుగా తెరిచి చూడవచ్చు. ఇకపై PDFలను చూడడానికి ప్రత్యేకంగా డౌన్‌లోడ్ చేయడం లేదా మరో యాప్‌కు వెళ్లాల్సిన అవసరం ఉండదు. అలాగే డాక్యుమెంట్‌లో హైలైట్ చేయడం, స్ట్రైక్‌త్రూ, అండర్‌లైన్ చేయడం, ఇతర మార్కప్‌లు జోడించడం వంటి సదుపాయాలు కూడా అందుబాటులో ఉంటాయి.

చిన్న వ్యాపారాలు, విద్యార్థులు, ఉద్యోగులు, ఇతర వినియోగదారులు పెద్ద స్క్రీన్‌పై PDFలను సులభంగా పరిశీలించి అభిప్రాయాలు పంచుకోవడానికి ఈ ఇంటిగ్రేషన్ ఉపయోగపడుతుందని Adobe తెలిపింది. వాట్సాప్ చాట్‌లోనే వ్యాఖ్యలు జోడించడం, ముఖ్యమైన అంశాలను గుర్తించడం, వృత్తాలు గీయడం వంటి పనులు కూడా చేయవచ్చు. పాస్‌వర్డ్‌తో రక్షించిన PDF ఫైళ్ల భద్రత కొనసాగుతుందని, వాట్సాప్ ఎండ్-టు-ఎండ్ ఎన్‌క్రిప్షన్ రక్షణ కూడా అందుబాటులో ఉంటుందని కంపెనీ వెల్లడించింది. ఇది Adobe అక్రోబాట్‌లో AI ఆధారిత ఉత్పాదకత ఫీచర్లను విస్తరించే వ్యూహంలో భాగమని పేర్కొంది.