‘ఏఐతో ఐటీ ఉద్యోగాలు పోవు.. కొత్త అవకాశాలు పెరుగుతాయి’ – నందన్ నీలేకని

నందన్ నీలేకని నేతృత్వంలోని ఇన్ఫోసిస్ సంస్థ చైర్మన్ నందన్ నీలేకని, ఆర్టిఫిషియల్ ఇంటెలిజెన్స్ కారణంగా ఐటీ రంగం ఉనికే ప్రమాదంలో పడుతుందన్న ఆందోళనలను తోసిపుచ్చారు. కంపెనీ వార్షిక నివేదిక సందర్భంగా వాటాదారులతో మాట్లాడిన ఆయన, ఏఐ ఐటీ సేవల అవసరాన్ని తగ్గించదని, పైగా కొత్త నైపుణ్యాలపై డిమాండ్‌ను మరింత పెంచుతుందని స్పష్టం చేశారు. ఏఐ ఆటోమేషన్ నేపథ్యంలో వచ్చిన సందేహాలకు సమాధానంగా, ఐటీ రంగం గతంలో కంటే మరింత బలంగా మారుతోందని పేర్కొన్నారు.

ఇన్ఫోసిస్ గత ఏడాదితో పోలిస్తే 4.6 శాతం వృద్ధితో 20.16 బిలియన్ డాలర్ల ఆదాయాన్ని నమోదు చేసిందని, ఉద్యోగుల సంఖ్య కూడా 3,28,594కు చేరిందని తెలిపారు. కోడింగ్ మాత్రమే సాఫ్ట్‌వేర్ అభివృద్ధి కాదని, పరీక్షలు, సైబర్ భద్రత, సిస్టమ్ విశ్వసనీయత, ఐటీ ఆధునీకరణ వంటి రంగాలు ఏఐ యుగంలో మరింత కీలకంగా మారాయని వివరించారు. భవిష్యత్ సవాళ్లను ఎదుర్కొనేందుకు కొత్త వ్యాపార నమూనాలు, ఉద్యోగుల నైపుణ్యాభివృద్ధి అవసరమని ఆయన సూచించారు.