AI ఫొటోలకు చెక్‌ పెట్టేందుకు Apple కొత్త టెక్నాలజీ..

AI సాయంతో ఫొటోలను అత్యంత సహజంగా రూపొందించడం, మార్చడం సులభమవుతున్న నేపథ్యంలో.. అసలైన చిత్రాలను గుర్తించేందుకు Apple కొత్త ఫీచర్‌ను తీసుకొచ్చింది. ‘Apple Reference Image’ పేరుతో అందుబాటులోకి రానున్న ఈ ఫీచర్‌ ద్వారా ఐఫోన్‌తో తీసిన ఫొటో నిజమైనదో, ఆ తర్వాత ఎడిట్‌ చేశారో తెలుసుకునే అవకాశం ఉంటుంది. కొత్త iPhone 18 Pro, iPhone 18 Pro Maxతో పాటు Apple తొలిసారిగా తీసుకొచ్చిన ఫోల్డబుల్‌ iPhone Duoలోనూ ఈ టెక్నాలజీ అందుబాటులో ఉంటుంది. ఇవి iOS 27పై పనిచేస్తాయి. అలాగే AIతో రూపొందించిన లేదా ఎడిట్‌ చేసిన చిత్రాలను గుర్తించేందుకు Google DeepMind అభివృద్ధి చేసిన SynthID వాటర్‌మార్కింగ్‌ ప్రమాణానికి Apple మద్దతు ప్రకటించింది.

iPhone 18 Proలోని మెయిన్‌ కెమెరా కొత్త సెన్సర్‌ ఈ ఫీచర్‌కు ఆధారంగా పనిచేస్తుంది. ఫొటో తీసే ముందు Reference modeను యాక్టివేట్‌ చేస్తే.. కెమెరా క్యాప్చర్‌ చేసిన డేటాను సైన్‌ చేస్తుంది. ఆ డేటాను Apple Private Cloud Compute ద్వారా ప్రాసెస్‌ చేసి మార్చలేని రిఫరెన్స్‌ ఇమేజ్‌ను రూపొందిస్తుంది. ఇది ఒక రకంగా ‘డిజిటల్‌ నెగెటివ్‌’లా పనిచేస్తుంది. Photos యాప్‌లో అసలు ఫొటోతో పాటు ఈ రిఫరెన్స్‌ ఇమేజ్‌ను చూడవచ్చు. థర్డ్‌ పార్టీ యాప్‌లు కూడా Reference Imagesను యాక్సెస్‌ చేసుకునేలా iOS, iPadOS, macOS 27 కోసం Apple APIలను అందిస్తోంది. అయితే నియంత్రణ నిబంధనల కారణంగా చైనా, యూరోపియన్‌ యూనియన్‌ సహా కొన్ని మార్కెట్లలో ప్రారంభ సమయంలో ఈ ఫీచర్‌ అందుబాటులో ఉండదు.