క్లాడ్ వాయిస్ మోడ్‌కు కొత్త అప్‌డేట్ ఇదేనండోయ్!

ఆంత్రోపిక్ సంస్థ క్లాడ్ వాయిస్ మోడ్‌ను మరింత శక్తివంతంగా మార్చింది. ఇప్పటి వరకు హైకు మోడల్‌పై మాత్రమే పనిచేసిన ఈ ఫీచర్‌కు ఇప్పుడు ఓపస్, సానెట్ మోడళ్ల మద్దతు లభించింది. దీంతో వేగవంతమైన సమాధానాలతో పాటు క్లిష్టమైన చర్చలు, ఐడియా బ్రెయిన్‌స్టార్మింగ్, ప్రజెంటేషన్ సమీక్షలు, కమ్యూనికేషన్ సహాయం వంటి పనులను కూడా మరింత సమర్థంగా నిర్వహించగలదు. ఈ బీటా ఫీచర్ ఆండ్రాయిడ్, ఐఓఎస్, డెస్క్‌టాప్, వెబ్ ప్లాట్‌ఫారమ్‌లలో అందుబాటులో ఉంది.

ఈ అప్‌డేట్‌తో జీమెయిల్, గూగుల్ క్యాలెండర్, గూగుల్ డాక్స్, స్లాక్, వెబ్ సెర్చ్ సేవలను వాయిస్ మోడ్‌తో అనుసంధానం చేశారు. దీంతో వినియోగదారులు వాయిస్ ద్వారానే ఇమెయిల్స్ పరిశీలించడం, షెడ్యూల్ చూడడం, డాక్యుమెంట్లు తెరవడం, వెబ్‌లో సమాచారం వెతకడం వంటి పనులను పూర్తి చేయవచ్చు. భద్రత దృష్ట్యా కస్టమ్ వాయిస్‌లకు బదులుగా ముందే సిద్ధం చేసిన వాయిస్‌లను మాత్రమే అందుబాటులో ఉంచగా, అన్ని వాయిస్ సంభాషణలు టెక్స్ట్ ట్రాన్స్‌క్రిప్ట్‌లుగా ఆటోమేటిక్‌గా సేవ్ అవుతాయి.