ఇక టీవీ స్క్రీన్‌పైనా ఇన్‌స్టాగ్రామ్ రీల్స్

మెటా సంస్థ ఇన్‌స్టాగ్రామ్ యాప్‌ను Apple TV వినియోగదారులకు అందుబాటులోకి తీసుకొచ్చింది. దీంతో ఇకపై మొబైల్ ఫోన్‌కే పరిమితం కాకుండా టీవీ స్క్రీన్‌పైనా ఇన్‌స్టాగ్రామ్ రీల్స్, ఇతర వీడియోలను వీక్షించవచ్చు. అక్టోబర్ 23 నుంచి Apple TV యాప్ స్టోర్‌లో ఈ యాప్‌ను ఉచితంగా డౌన్‌లోడ్ చేసుకునే అవకాశం కల్పించారు. భారత్‌లోని వినియోగదారులకు కూడా ఇది అందుబాటులో ఉంది. రీల్స్‌తో పాటు దీర్ఘ నిడివి వీడియోలు, లైవ్ ప్రసారాలను పెద్ద స్క్రీన్‌పై చూడవచ్చు. ఈ యాప్‌ను ఉపయోగించేందుకు tvOS 26.0 లేదా అంతకంటే కొత్త వెర్షన్ అవసరం.

ఈ యాప్‌లోని ముఖ్యమైన ఫీచర్లలో ‘క్రాస్ డివైజ్ కంటిన్యూటీ’ ఒకటి. ఫోన్‌లో వీడియో చూస్తూ మధ్యలో ఆపేసిన వినియోగదారులు, అదే వీడియోను టీవీలో ఆపిన చోటు నుంచే కొనసాగించవచ్చు. వివిధ పరికరాల మధ్య వీడియో వీక్షణను సులభతరం చేయడమే ఈ ఫీచర్ ఉద్దేశం. ఇన్‌స్టాగ్రామ్ వీడియోలను ఇంట్లో పెద్ద స్క్రీన్‌పై ఆస్వాదించేందుకు ఈ కొత్త సదుపాయం ఉపయోగపడనుంది. అనుకూలమైన Apple TV పరికరాలు ఉన్నవారు యాప్ స్టోర్‌లో ఇన్‌స్టాగ్రామ్‌ను వెతికి డౌన్‌లోడ్ చేసుకోవచ్చు.