ల్యాప్‌టాప్ ప్రాసెసర్ మార్కెట్‌లోకి ఎంట్రీ ఇచ్చిన ఎన్‌విడియా..

ఎన్‌విడియా వినియోగదారుల ల్యాప్‌టాప్ ప్రాసెసర్ మార్కెట్‌లోకి అధికారికంగా అడుగుపెట్టింది. Computex 2026 వేదికగా సంస్థ తన కొత్త RTX Spark ఏఐ ప్లాట్‌ఫారమ్‌ను ఆవిష్కరించింది. గ్రాఫిక్స్ కార్డ్ వ్యాపారానికి మించి విస్తరణలో భాగంగా రూపొందించిన ఈ Arm ఆధారిత సూపర్‌చిప్, తదుపరి తరం ఏఐ ల్యాప్‌టాప్‌లకు శక్తినందించనుంది. మైక్రోసాఫ్ట్ , ఆసుస్ , డెల్ , హెచ్‌పీ , లెనోవో వంటి ప్రముఖ కంపెనీలు ఇప్పటికే ఈ చిప్‌తో ల్యాప్‌టాప్‌లను విడుదల చేసేందుకు సిద్ధమవుతున్నాయి.

RTX Spark ఫ్లాగ్‌షిప్ వెర్షన్‌లో 20 CPU కోర్లు, 6,144 GPU కోర్లు, గరిష్టంగా 128GB LPDDR5X మెమరీ ఉండనుంది. అధిక పనితీరు, దీర్ఘకాలిక బ్యాటరీ బ్యాకప్, అల్ట్రా-స్లిమ్ డిజైన్‌లతో ఈ పరికరాలు ఏఐ కంప్యూటింగ్‌కు కొత్త ప్రమాణాలు సృష్టించనున్నాయి. మైక్రోసాఫ్ట్ సర్ఫేస్, ఆసుస్ ప్రోఆర్ట్ సిరీస్, ఎంఎస్‌ఐ ప్రెస్టీజ్ ఎన్16 ఫ్లిప్ ఏఐ ప్లస్, డెల్ ఎక్స్‌పీఎస్ 16 హెచ్‌పీ ఓమ్నీబుక్ మరియు లెనోవో యోగా మోడళ్లు ఈ ప్లాట్‌ఫారమ్‌తో మార్కెట్లోకి రానున్నాయి. దీంతో ఏఐ ఆధారిత పీసీ మార్కెట్‌లో పోటీ మరింత ఉత్కంఠభరితంగా మారనుంది.