వచ్చే నెలలో Nvidia RTX Spark PCs లాంచ్.. లోకల్ AI కోసం కొత్త ఫీచర్లు!

Nvidia RTX Spark Windows PCs అక్టోబర్‌లో విడుదల కానున్నాయి. లోకల్ AI వర్క్‌లోడ్స్, గేమింగ్, క్రియేటివ్ పనులను నిర్వహించేందుకు ఈ కాంపాక్ట్ సిస్టమ్స్‌ను రూపొందించారు. RTX Blackwell GPU, 128GB వరకు యూనిఫైడ్ మెమరీ, 20-కోర్ Grace CPUతో ఈ ప్లాట్‌ఫామ్‌ను అందిస్తున్నారు. Lenovo ఇప్పటికే Yoga Pro 9n, Yoga 9n 2-in-1 మోడళ్లను ప్రకటించగా, Acer కాంపాక్ట్ డెస్క్‌టాప్ డిజైన్‌ను ప్రదర్శించింది. మరో ఆరు PC తయారీ సంస్థలు కూడా RTX Spark సిస్టమ్స్‌ను తీసుకురానున్నట్లు Nvidia తెలిపింది.

లోకల్ AI వినియోగాన్ని మరింత సులభతరం చేసేందుకు Nvidia పలు సాఫ్ట్‌వేర్ అప్‌డేట్స్‌ను ప్రకటించింది. Hermes Agent, OpenClaw, Perplexity Portable Computer వంటి టూల్స్‌లో లోకల్ మోడల్ సెటప్‌ను సులభతరం చేయనున్నారు. llama.cpp, vLLM అప్‌డేట్స్‌తో AI ఇన్ఫరెన్స్ పనితీరును మెరుగుపరచనున్నట్లు కంపెనీ తెలిపింది. అలాగే Personal AI Router (PAIR) అనే ఓపెన్ సోర్స్ టూల్‌ను కూడా పరిచయం చేసింది. ఒకే లోకల్ నెట్‌వర్క్‌లోని అనుకూల కంప్యూటర్ల మధ్య AI ఇన్ఫరెన్స్ రిక్వెస్టులను పంపిణీ చేయడానికి ఇది ఉపయోగపడుతుంది.