బడ్జెట్ విభాగంలో టాప్‌గా పిక్సెల్ 11ఏ

పిక్సెల్ 11aలో గూగుల్ కొత్త టెన్సర్ జీ6 చిప్‌సెట్‌తో పాటు 8జీబీ ర్యామ్ ఉండనున్నట్లు లీకులు సూచిస్తున్నాయి. 6.3 అంగుళాల ఫుల్ హెచ్‌డీ ప్లస్ ఓఎల్‌ఈడీ డిస్‌ప్లే, 120హెచ్‌జెడ్ రిఫ్రెష్ రేట్ మరియు 3350 నిట్స్ పీక్ బ్రైట్‌నెస్‌తో ఈ ఫోన్ అద్భుతమైన విజువల్ అనుభవాన్ని అందించనుంది. అబ్సిడియన్ బ్లాక్, ఆలివ్ గ్రీన్, ఫ్రాస్ట్ పర్పుల్, ఫాగ్ సిల్వర్ వంటి నాలుగు ఆకర్షణీయ రంగుల్లో ఇది అందుబాటులోకి రానుంది, దీని డిజైన్ ప్రీమియం లుక్‌ను ఇస్తుంది.

ఈ స్మార్ట్‌ఫోన్‌లో 4,870ఎంఏహెచ్ బ్యాటరీతో పాటు మెరుగైన పవర్ మేనేజ్‌మెంట్‌ను అందించే టెన్సర్ జీ6 ప్రాసెసర్, మీడియాటెక్ ఎం90 మోడెమ్ ఉండనుంది. భద్రత కోసం టైటాన్ ఎం3 చిప్, అప్‌గ్రేడ్ చేసిన ఫేస్ అన్‌లాక్ ఫీచర్ కూడా అందించనున్నారు. “డొక్కేబి” కోడ్‌నేమ్‌తో కొత్త ఫ్రంట్ కెమెరా సెన్సార్‌ను కూడా అందించనున్నట్లు సమాచారం. అధికారిక ప్రకటన రాకపోయినా, ఈ లీకులు టెక్ ప్రపంచంలో భారీ ఆసక్తిని రేకెత్తిస్తున్నాయి. బడ్జెట్ సెగ్మెంట్‌లో ఇది బెస్ట్ ఫోన్‌గా నిలిచే అవకాశముంది.