టి సిరీస్ లో కొత్త ఫోన్ లాంచ్ చేసిన వివో

వివో తన టీ సిరీస్‌లో భాగంగా Vivo T5 Lite 44W స్మార్ట్‌ఫోన్‌ను అధికారికంగా విడుదల చేసింది. ఈ ఫోన్‌లో 6.74 అంగుళాల ఎల్‌సీడీ డిస్‌ప్లే, 120Hz రిఫ్రెష్ రేట్, 1200 నిట్స్ పీక్ బ్రైట్‌నెస్ అందించారు. ఆండ్రాయిడ్ 16 ఆధారిత ఆరిజిన్ ఓఎస్ 6పై పనిచేసే ఈ ఫోన్‌లో మీడియాటెక్ డైమెన్సిటీ 6300 ప్రాసెసర్ను అమర్చారు. అదనంగా IP65 రేటింగ్, మిలిటరీ గ్రేడ్ డ్యూరబిలిటీ సర్టిఫికేషన్‌ను కూడా అందించారు.

ఈ స్మార్ట్‌ఫోన్‌లో 6500mAh బ్యాటరీతో పాటు 44W ఫాస్ట్ ఛార్జింగ్ సపోర్ట్ ఉంది. ఒకే ఛార్జ్‌తో 54 గంటల వాయిస్ కాల్స్, 80 గంటల మ్యూజిక్ ప్లేబ్యాక్, 48 గంటల వీడియో ప్లేబ్యాక్ అందిస్తుందని కంపెనీ తెలిపింది. వెనుకవైపు 50MP ప్రధాన కెమెరా, ముందు 5MP సెల్ఫీ కెమెరాతో పాటు AI Creation, AI Screen Translation, AI Captions వంటి ఫీచర్లు ఉన్నాయి. ట్విలైట్ షాడో, వేవ్ బ్లూ రంగుల్లో లభించే ఈ ఫోన్ ధరలు వరుసగా రూ.19,999, రూ.21,999, రూ.24,999గా నిర్ణయించారు. జూలై 22 నుంచి ఫ్లిప్‌కార్ట్, రిటైల్ స్టోర్లలో విక్రయాలు ప్రారంభం కానుండగా, హెచ్‌డీఎఫ్‌సీ, ఎస్‌బీఐ, యాక్సిస్ బ్యాంక్ కార్డులపై రూ.1,500 వరకు డిస్కౌంట్, మూడు నెలల నో-కాస్ట్ ఈఎంఐ సదుపాయం అందుబాటులో ఉంటుంది.