

దివంగత రతన్ టాటా సోదరుడు జిమ్మీ టాటా రాసినట్లు చెబుతున్న లేఖ టాటా గ్రూప్లో ట్రస్టుల నిర్వహణ, నియామకాలపై చర్చకు దారితీసింది. టాటా ట్రస్ట్స్ ఛైర్మన్ నోయెల్ టాటా తన కుటుంబ సభ్యులను ట్రస్టుల్లోకి తీసుకురావడంపై జిమ్మీ అభ్యంతరం వ్యక్తం చేసినట్లు సమాచారం. ఈ విధానం ఒకే కుటుంబం ఆధిపత్యానికి దారితీసే అవకాశం ఉందని ఆయన ఆందోళన వ్యక్తం చేసినట్లు తెలుస్తోంది. ట్రస్టుల నిర్వహణలో పారదర్శకత, స్వతంత్రత అవసరమని లేఖలో ప్రస్తావించినట్లు సమాచారం.
టాటా సన్స్ను రిజర్వ్ బ్యాంక్ ఆఫ్ ఇండియా నిబంధనలకు అనుగుణంగా స్టాక్ మార్కెట్లో లిస్ట్ చేయాలని జిమ్మీ డిమాండ్ చేసినట్లు కథనాలు పేర్కొంటున్నాయి. నోయెల్ టాటా చేపడుతున్న నియామకాలు, ట్రస్టుల నిర్వహణ తీరుపైనా ఆయన అభ్యంతరాలు వ్యక్తం చేసినట్లు తెలుస్తోంది. ట్రస్టీల స్వతంత్రతకు భంగం కలగకుండా చూడాలని, వీటో అధికారాల వినియోగంపై స్పష్టత ఉండాలని ఆయన సూచించినట్లు సమాచారం. ఈ లేఖతో టాటా గ్రూప్ ట్రస్టుల వ్యవహారాలు మరోసారి చర్చనీయాంశంగా మారాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!