

విశాఖపట్నంలో జీవీఎంసీ పట్టణ ప్రణాళిక విభాగం ఆధ్వర్యంలో బుధవారం ప్రత్యేక టౌన్ ప్లానింగ్ ఓపెన్ ఫోరం నిర్వహించారు. జీవీఎంసీ కమిషనర్ కేతన్ గార్గ్ ఆదేశాల మేరకు అదనపు కమిషనర్ ఎస్.ఎస్. వర్మ అధ్యక్షతన జరిగిన ఈ కార్యక్రమానికి మొత్తం 87 వినతులు అందాయి. వీటిలో 84 దరఖాస్తులు భూ క్రమబద్ధీకరణ పథకం (ఎల్ఆర్ఎస్)కు సంబంధించినవి కాగా, మరో మూడు ఏపీడీపీఎంఎస్కు సంబంధించినవి.
ఈ సందర్భంగా ముఖ్య పట్టణ ప్రణాళిక అధికారి జి.వి.జి.ఎస్.వి. ప్రసాద్ మాట్లాడుతూ, కొన్ని దరఖాస్తులను అక్కడికక్కడే పరిష్కరించినట్లు తెలిపారు. పెండింగ్లో ఉన్న దరఖాస్తులను ఎలాంటి జాప్యం లేకుండా నిర్ణీత గడువులోగా పరిష్కరించాలని అధికారులను ఆదేశించారు. ఈ నెల 19, 20 తేదీల్లో కూడా ఓపెన్ ఫోరం కొనసాగుతుందని, దరఖాస్తుదారులు, లైసెన్స్డ్ టెక్నికల్ పర్సన్స్ (ఎల్టీపీలు) ఈ అవకాశాన్ని సద్వినియోగం చేసుకోవాలని కోరారు. కార్యక్రమంలో సిటీ ప్లానర్ ధనుంజయ రెడ్డి, డీసీపీలు, ఏసీపీలు, టౌన్ ప్లానింగ్ అధికారులు, ప్లానింగ్ కార్యదర్శులు పాల్గొన్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!