
జనరల్

తెలంగాణలో ఓటర్ల జాబితా ప్రత్యేక సమగ్ర సవరణ (SIR) ప్రక్రియ గడువును కేంద్ర ఎన్నికల సంఘం మరోసారి పొడిగించింది. తొలుత డిసెంబర్ 10తో ముగియాల్సిన గడువును డిసెంబర్ 22 వరకు పెంచింది. ముసాయిదా ఓటర్ల జాబితాలో తమ పేర్లు లేని అర్హులైన పౌరులకు మరో అవకాశం కల్పించింది. అర్హులైన ప్రతి ఒక్కరికీ ఓటు హక్కు కల్పించాలనే ఉద్దేశంతో ఈ నిర్ణయం తీసుకున్నట్లు ఎన్నికల సంఘం వెల్లడించింది.
ఈ విషయంపై తెలంగాణ రాష్ట్ర ప్రధాన ఎన్నికల అధికారి (CEO) సుదర్శన్ రెడ్డి మాట్లాడుతూ.. అర్హులైన ఓటర్లందరూ తమ పేర్లను నమోదు చేసుకునేందుకు వీలుగా గడువు పొడిగించినట్లు తెలిపారు. ముసాయిదా ఓటర్ల జాబితాలో పేర్లు లేని వారు ఈ అవకాశాన్ని వినియోగించుకోవాలని సూచించారు. అర్హులైన ప్రతి ఒక్కరి ఓటు నమోదు చేయడమే ఈ పొడిగింపు ప్రధాన ఉద్దేశమని స్పష్టం చేశారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!