అల్లు అర్జున్–అట్లీ ‘రాకా’ లో మరో హీరోయిన్ ఎంట్రీ..

ఐకాన్ స్టార్ అల్లు అర్జున్, దర్శకుడు అట్లీ కాంబినేషన్‌లో తెరకెక్కుతున్న పాన్ వరల్డ్ ప్రాజెక్ట్ ‘రాకా’పై భారీ అంచనాలు నెలకొన్నాయి. ఇప్పటికే దీపికా పదుకొణె హీరోయిన్‌గా నటిస్తుండగా, తాజాగా మలయాళ నటి ఫెమినా జార్జ్ కూడా ఈ సినిమాలో భాగమవుతున్నట్లు స్వయంగా వెల్లడించింది. దీంతో ఈ ప్రాజెక్ట్‌లో మరిన్ని స్టార్ హీరోయిన్లు కూడా ఉండొచ్చన్న ఊహాగానాలు ఊపందుకున్నాయి.

ఫెమినా జార్జ్ పాత్ర చిన్నదైనా కథలో కీలక మలుపు తీసుకురానుందని సమాచారం. సైన్స్ ఫిక్షన్, ఫాంటసీ, మైథాలజీ అంశాల మిశ్రమంగా రూపొందుతున్న ఈ చిత్రంలో అల్లు అర్జున్ విభిన్న గెటప్స్‌లో కనిపించనున్నారని టాక్. భారీ బడ్జెట్‌తో రూపొందుతున్న ఈ ప్రాజెక్ట్ ఇప్పటికే సోషల్ మీడియాలో సంచలనం సృష్టిస్తోంది.