బుచ్చిబాబు క్షమాపణపై అనంత శ్రీరామ్ అసంతృప్తి...

గేయరచయిత అనంత శ్రీరామ్ దర్శకుడు బుచ్చిబాబు కు మద్దతుగా మాట్లాడారు. ‘పెద్ది’ చిత్రంలో జాన్వీ కపూర్ పాత్ర చిత్రీకరణపై వచ్చిన విమర్శల నేపథ్యంలో బుచ్చిబాబు క్షమాపణ చెప్పడం తనకు నచ్చలేదని పేర్కొన్నారు. ఒక పాత్రను ఎలా మలచాలి, కథను ఎలా చెప్పాలి అన్న విషయంలో దర్శకుడికే పూర్తి అవగాహన ఉంటుందని ఆయన అభిప్రాయపడ్డారు.

సోషల్ మీడియా ద్వారా వ్యక్తమవుతున్న అభిప్రాయాలు కొన్నిసార్లు సృజనాత్మక స్వేచ్ఛపై ప్రభావం చూపుతున్నాయని అనంత శ్రీరామ్ వ్యాఖ్యానించారు. ప్రేక్షకుల భావాలను గౌరవిస్తూ బుచ్చిబాబు క్షమాపణ చెప్పి ఉండొచ్చని పేర్కొన్న ఆయన, ఇలాంటి పరిస్థితులు కొనసాగితే భవిష్యత్తులో కమర్షియల్ సినిమాల కంటే డాక్యుమెంటరీ తరహా చిత్రాలే ఎక్కువగా వచ్చే ప్రమాదం ఉందని ఆందోళన వ్యక్తం చేశారు.