కమల్ హాసన్ నెక్స్ట్ మూవీపై భారీ అప్‌డేట్.. కాంబో ఇదే!

ఉలగనాయగన్ కమల్ హాసన్, విలక్షణమైన కథలను తెరకెక్కించే దర్శకుడు ఎస్.యు. అరుణ్ కుమార్‌తో కలిసి కొత్త ప్రాజెక్ట్ చేయబోతున్నారు. చిత్తా, వీర ధీర సూరన్ వంటి చిత్రాలతో మంచి గుర్తింపు తెచ్చుకున్న అరుణ్ కుమార్ ఈ సినిమాకు దర్శకత్వం వహించనున్నారు. కమల్ హాసన్ సొంత నిర్మాణ సంస్థ రాజ్‌కమల్ ఫిలింస్ ఇంటర్నేషనల్ బ్యానర్‌పై ఈ చిత్రం రూపొందనుంది.

కమల్ హాసన్, అరుణ్ కుమార్ కాంబినేషన్‌పై ఇప్పటికే సినీ వర్గాల్లో ఆసక్తి నెలకొంది. విభిన్నమైన కథలు, బలమైన పాత్రలను తెరకెక్కించడంలో పేరున్న అరుణ్ కుమార్.. కమల్ హాసన్‌ను ఎలాంటి పవర్‌ఫుల్ పాత్రలో చూపించబోతున్నారనేది ఆసక్తికరంగా మారింది. ఈ ప్రాజెక్ట్‌కు సంబంధించిన మరిన్ని వివరాల కోసం అభిమానులు ఆసక్తిగా ఎదురుచూస్తున్నారు.