బాక్సాఫీస్‌ను షేక్ చేస్తున్న మమితా!

‘ప్రేమలు’ సినిమాతో ప్రేక్షకుల హృదయాలను గెలుచుకున్న మలయాళ నటి మమితా బైజు ప్రస్తుతం దక్షిణాది చిత్రసీమలో వరుస విజయాలతో దూసుకుపోతున్నారు. తాజాగా ఆమె నటించిన వరుస మూడు సినిమాలు రూ.200 కోట్లకు పైగా వసూళ్లు సాధించి అరుదైన బాక్సాఫీస్ హ్యాట్రిక్‌ను నమోదు చేశాయి. హెచ్. వినోద్ దర్శకత్వంలో విజయ్ నటించిన పొలిటికల్ డ్రామా ‘జన నాయగన్’లో కీలక పాత్రలో కనిపించిన మమితా, ఆ సినిమా భారీ విజయంతో మంచి గుర్తింపు పొందారు.

ఆ తర్వాత సూర్యతో కలిసి వెంకీ అట్లూరి దర్శకత్వంలో వచ్చిన ‘విశ్వనాథ్ అండ్ సన్స్’ రూ.200 కోట్లకు పైగా గ్రాస్ వసూళ్లు సాధించినట్లు సమాచారం. ఇక నివిన్ పౌలీతో కలిసి గిరీష్ ఏ.డి దర్శకత్వంలో నటించిన ‘బెత్లెహేమ్ కుటుంబ యూనిట్’ కూడా కేవలం 11 రోజుల్లోనే రూ.200 కోట్ల క్లబ్‌లో చేరినట్లు తెలుస్తోంది. ఇలా వరుసగా మూడు భారీ విజయాలతో మమితా బైజు దక్షిణాది చిత్రసీమలో అత్యంత క్రేజ్ ఉన్న యువ హీరోయిన్లలో ఒకరిగా నిలుస్తూ, బిజీ షెడ్యూల్‌తో ముందుకు సాగుతున్నారు.