నితిన్ చేతుల మీదుగా ‘ఇట్స్ లైఫ్ బ్రో’ ఫస్ట్ లుక్ విడుదల

ప్రామిసింగ్ హీరో నితిన్ చేతుల మీదుగా ‘ఇట్స్ లైఫ్ బ్రో’ చిత్ర ఫస్ట్ లుక్ విడుదలైంది. కృష్ణ మోహన్ (కేఎం), పూజా సుందర్ శెట్టి ప్రధాన పాత్రల్లో నటిస్తున్న ఈ చిత్రాన్ని కేఎం ఎంటర్‌టైన్‌మెంట్స్ బ్యానర్‌పై కృష్ణ మోహన్ సల్లగుండ్ల నిర్మిస్తున్నారు. సోమశేఖర్ రెడ్డి దర్శకత్వం వహిస్తున్న ఈ సినిమా భావోద్వేగాలతో నిండిన ప్రేమకథగా ప్రేక్షకుల ముందుకు రానుంది. ఫస్ట్ లుక్ పోస్టర్ ఇప్పటికే సినీ ప్రేమికుల్లో ఆసక్తిని పెంచుతోంది.

దర్శకుడు సోమశేఖర్ రెడ్డి మాట్లాడుతూ, ఈ చిత్రం నిజ జీవిత సంఘటనల ఆధారంగా రూపొందుతున్న ఎమోషనల్ లవ్ స్టోరీ అని తెలిపారు. హృదయాలను తాకే కథ, ఆకట్టుకునే కథనంతో ఈ సినిమా ప్రేక్షకులకు గుర్తుండిపోయే అనుభూతిని అందిస్తుందని చెప్పారు. ఈ చిత్రంలో రాజీవ్ కనకాల, చమ్మక్ చంద్ర, అంబటి శ్రీనివాస్, దేవీ ప్రసాద్, కిరీటి, త్రిశూల్ తదితరులు కీలక పాత్రలు పోషిస్తున్నారు.