ప్రితీ జింటా టీషర్ట్‌పై ‘టీమ్ తుకారాం ముంఢే’.. అసలు కథేంటి?

బాలీవుడ్ నటి ప్రితీ జింటా ఇటీవల ముంబైలో సాధారణంగా బయటకు వచ్చిన సమయంలో ప్రత్యేకమైన టీషర్ట్‌తో కనిపించి అందరి దృష్టిని ఆకర్షించారు. నల్ల రంగు టీషర్ట్‌పై ‘టీమ్ తుకారాం ముంఢే’ అనే పదాలు స్పష్టంగా కనిపించడంతో ఈ ఫొటోలు సోషల్ మీడియాలో చర్చనీయాంశంగా మారాయి.

ఈ టీషర్ట్‌ ద్వారా ఐఏఎస్ అధికారి తుకారాం ముంఢేకు ప్రితీ జింటా బహిరంగంగా మద్దతు తెలిపినట్లు కనిపిస్తోంది. ఆహార భద్రత, పరిశుభ్రతకు సంబంధించిన నిబంధనల ఉల్లంఘనలపై ఆయన కఠినంగా వ్యవహరిస్తున్నారనే గుర్తింపు ఉంది. ప్రజల ఆరోగ్యం, ఆహార భద్రత వంటి అంశాలపై పనిచేసే అధికారులకు సెలబ్రిటీ నుంచి మద్దతు లభించడం ఇప్పుడు ఆసక్తికరంగా మారింది.