త్వరలో జీ5లో విడుదల కానున్న తెలుగు ఒరిజినల్ సిరీస్

భారతదేశంలో ప్రముఖ ఓటీటీ ప్లాట్‌ఫామ్ అయిన జీ5 తన కొత్త ఒరిజినల్ సిరీస్ ‘ మేము కాప్‌లం’ స్ట్రీమింగ్ డేట్‌ను ప్రకటించింది. కామెడీ మరియు మిస్టరీ కలయికలో గ్రామీణ నేపథ్యంలో రూపొందిన ఈ సిరీస్‌లో స్థానిక రాజకీయాలు, వినోదం మరియు ఊహించని సంఘటనలు ప్రధాన ఆకర్షణగా ఉండనున్నాయి. ఇటీవల విడుదలైన టైటిల్ గ్లింప్స్‌లో గెటప్ శ్రీను, జాఫర్ కనిపించడంతో వీడియో సోషల్ మీడియాలో వైరల్‌గా మారింది.

ఈ సిరీస్‌ను రా ఎంటర్‌టైన్‌మెంట్స్ బ్యానర్‌పై బి.వి.ఎస్. రవి, కౌముది కె నేమాని నిర్మిస్తున్నారు. దర్శకుడు ప్రదీప్ మద్దాలి ఈ ప్రాజెక్ట్‌ను తెరకెక్కిస్తున్నారు. శోభన్ చిట్టుప్రోలు కథ అందించిన ఈ సిరీస్‌లో నాగబాబు కొణిదెల ప్రధాన పాత్రలో నటిస్తున్నారు. గోదావరి జిల్లాల్లో సంక్రాంతి నేపథ్యంలో జరిగే ఓ విచిత్ర ఘటనతో మొదలైన కథ, ఇద్దరు కొత్త పోలీసుల విచారణతో హాస్యభరితంగా, ఉత్కంఠగా మారుతుందని మేకర్స్ తెలిపారు.