ఏపీలో మేయర్ రిజర్వేషన్లు ఖరారు.. ఏ నగరం ఎవరికంటే?

ఆంధ్రప్రదేశ్‌లో స్థానిక సంస్థల ఎన్నికలకు సంబంధించి మేయర్ స్థానాల రిజర్వేషన్లు ఖరారయ్యాయి. మొత్తం 17 మేయర్ స్థానాల్లో బీసీలకు 5, ఎస్సీలకు 2, ఎస్టీలకు ఒక స్థానం కేటాయించారు. మరో ఐదు స్థానాలను జనరల్ మహిళలకు, నాలుగు స్థానాలను అన్‌రిజర్వుడ్ కేటగిరీకి కేటాయించినట్లు వెల్లడైంది. ఈ రిజర్వేషన్లతో ఆయా నగరాల్లో మేయర్ పదవులకు పోటీ చేయాలనుకుంటున్న ఆశావహులు తమ రాజకీయ వ్యూహాలను సిద్ధం చేసుకునే అవకాశం ఉంది.

రిజర్వేషన్ల వివరాల ప్రకారం, మంగళగిరి-తాడేపల్లి మేయర్ స్థానం ఎస్టీలకు, రాజమండ్రి, కర్నూలు స్థానాలు ఎస్సీలకు కేటాయించారు. మచిలీపట్నం, కాకినాడ మేయర్ స్థానాలు బీసీ మహిళలకు రిజర్వ్ కాగా, ఏలూరు, అనంతపురం, చిత్తూరు స్థానాలు బీసీలకు కేటాయించారు. విజయనగరం, శ్రీకాకుళం, గుంటూరు, కడప, విశాఖపట్నం స్థానాలు జనరల్ మహిళలకు రిజర్వ్ అయ్యాయి. తిరుపతి, విజయవాడ, ఒంగోలు, నెల్లూరు మేయర్ స్థానాలు అన్‌రిజర్వుడ్ కేటగిరీలోకి వచ్చాయి.