

ఆంధ్రప్రదేశ్లో జిల్లా పరిషత్ చైర్మన్ పదవుల కేటాయింపుపై అధికార కూటమి పార్టీల మధ్య ఉత్కంఠ నెలకొంది. రాష్ట్రవ్యాప్తంగా 27 జెడ్పీ చైర్మన్ స్థానాల పంపకాలపై టీడీపీ, జనసేన, బీజేపీ నేతలు కసరత్తు చేస్తున్నారు. నేడు లేదా రేపు ఆయా స్థానాలకు అభ్యర్థులను ఖరారు చేసే అవకాశం ఉంది. ఎల్లుండి రాష్ట్రవ్యాప్తంగా జెడ్పీ చైర్మన్ల ఎన్నికలు జరగనున్న నేపథ్యంలో కూటమి పార్టీల మధ్య చర్చలు కీలక దశకు చేరుకున్నాయి. ప్రాథమిక అంచనాల ప్రకారం టీడీపీకి 21–22 స్థానాలు, జనసేనకు 4–5 స్థానాలు, బీజేపీకి ఒక స్థానం కేటాయించే యోచనలో ఉన్నట్లు సమాచారం.
అయితే జనసేన ఐదు జెడ్పీ చైర్మన్ స్థానాలను కోరుతున్నట్లు తెలుస్తోంది. తమకు మరిన్ని స్థానాలు కేటాయించాలని ఆ పార్టీ నేతలు పట్టుబడుతున్న నేపథ్యంలో పంపకాలపై చర్చ కొనసాగుతోంది. శ్రీకాకుళం, కృష్ణా, కాకినాడ జిల్లాల్లో చైర్మన్ పదవుల కేటాయింపుపై ఉత్కంఠ నెలకొంది. పశ్చిమ గోదావరి, అనకాపల్లి, సత్యసాయి జిల్లాల్లోనూ కూటమి పార్టీల మధ్య పోటీ ఉండగా, కడప జెడ్పీ చైర్మన్ స్థానం కోసం టీడీపీ, బీజేపీ పోటీపడుతున్నట్లు సమాచారం. ఈ నేపథ్యంలో కూటమి అధిష్ఠానం తీసుకునే తుది నిర్ణయంపై రాజకీయ వర్గాల్లో ఆసక్తి నెలకొంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!