BBL ఆఫర్‌ను తిరస్కరించిన మిచెల్‌ శాంట్నర్‌..

న్యూజిలాండ్‌ పరిమిత ఓవర్ల కెప్టెన్‌ మిచెల్‌ శాంట్నర్‌ కీలక నిర్ణయం తీసుకున్నాడు. వచ్చే బిగ్‌బాష్‌ లీగ్‌ (BBL) సీజన్‌లో ఆడేందుకు వచ్చిన ఆఫర్‌ను అతడు తిరస్కరించాడు. అడిలైడ్‌ స్ట్రైకర్స్‌ శాంట్నర్‌కు కాంట్రాక్ట్‌ ఆఫర్‌ చేసినప్పటికీ.. అంతర్జాతీయ క్రికెట్‌పై దృష్టి పెట్టేందుకు దాన్ని కాదన్నాడు. భారత్‌తో సిరీస్‌, ఆ తర్వాత ఆస్ట్రేలియా పర్యటన నేపథ్యంలో కివీస్‌ జట్టు అత్యంత బిజీ షెడ్యూల్‌ ఎదుర్కోనుంది. ఈ సమయంలో న్యూజిలాండ్‌ తరఫున ప్రతి మ్యాచ్‌కు సిద్ధంగా ఉండటమే తన ప్రాధాన్యమని శాంట్నర్‌ స్పష్టం చేశాడు.

అక్టోబర్‌లో న్యూజిలాండ్‌ పర్యటనకు వెళ్లనున్న భారత్‌ మూడు ఫార్మాట్లలో సిరీస్‌లు ఆడనుంది. ఇరు జట్ల మధ్య ఐదు వన్డేలు, ఐదు టీ20లు, రెండు టెస్టులు జరగనున్నాయి. ఈ సిరీస్‌లు పూర్తైన వెంటనే న్యూజిలాండ్‌ ఆస్ట్రేలియా పర్యటనకు వెళ్లి నాలుగు టెస్టుల సిరీస్‌లో తలపడనుంది. దీంతో కివీస్‌ జట్టు జనవరి తొలి వారం వరకు అంతర్జాతీయ క్రికెట్‌తో బిజీగా ఉండనుంది. ఇదే సమయంలో బిగ్‌బాష్‌, దక్షిణాఫ్రికా టీ20 లీగ్‌తో పాటు న్యూజిలాండ్‌లో సూపర్‌ స్మాష్‌ లీగ్‌ కూడా జరగనుంది. ఈ నేపథ్యంలో కాంట్రాక్ట్‌ ఆటగాళ్లు దేశవాళీ, అంతర్జాతీయ బాధ్యతలను సమన్వయం చేసుకోవాల్సిన పరిస్థితి ఏర్పడనుంది.