కృతి సనన్ ట్రెడిషనల్ లుక్ అదుర్స్.. నవరాత్రి వేడుకల్లో బంగారు వర్ణపు దుస్తుల్లో మెరిసిన బ్యూటీ

బాలీవుడ్ హీరోయిన్ కృతి సనన్ నవరాత్రి వేడుకల సందర్భంగా సంప్రదాయ దుస్తుల్లో మెరిసిపోయింది. కాంస్యపు బంగారు వర్ణం కలిగిన షార్ట్ కుర్తా, పర్పుల్ ప్యాంట్‌తో అందరి దృష్టిని ఆకర్షించింది. ఎంబ్రాయిడరీతో కూడిన దుస్తులకు అద్దాల అలంకరణ, గవ్వల అంచులతో ఉన్న పటోలా ప్రింట్ దుపట్టా ప్రత్యేక ఆకర్షణగా నిలిచాయి. చోకర్ నెక్లెస్, స్టేట్‌మెంట్ చెవిపోగులు, బిందీ, అలంకరించిన జుట్టీలతో తన రూపానికి మరింత అందాన్ని జోడించింది. ‘మిమీ’ సినిమాతో జాతీయ అవార్డు అందుకున్న కృతి సనన్ ‘లుకా చుప్పీ’, ‘బరేలీ కీ బర్ఫీ’, ‘క్రూ’ వంటి చిత్రాలతో ప్రేక్షకులను అలరించింది. ఇటీవల ‘కాక్‌టెయిల్ 2’లో అలీషా పాత్రలో కనిపించిన ఈ బ్యూటీ, తన తాజా సంప్రదాయ రూపంతో అభిమానులను ఆకట్టుకుంది.