స్థానిక ఎన్నికలపై చంద్రబాబు ఫోకస్.. నేతలతో వర్చువల్ భేటీ

ఆంధ్రప్రదేశ్‌లో స్థానిక సంస్థల ఎన్నికలకు ముఖ్యమంత్రి, టీడీపీ అధినేత చంద్రబాబు నాయుడు కసరత్తును ముమ్మరం చేశారు. ఈ క్రమంలో మంత్రులు, ఎంపీలు, ఎమ్మెల్యేలు, నియోజకవర్గ ఇన్‌ఛార్జులు, జిల్లా పార్టీ అధ్యక్షులు, నియోజకవర్గ పరిశీలకులు, ఇతర ముఖ్య నేతలతో వర్చువల్‌గా సమావేశమయ్యారు. రాబోయే స్థానిక ఎన్నికలకు పార్టీ శ్రేణులను సిద్ధం చేసే అంశాలపై చర్చించారు.

స్థానిక ఎన్నికల్లో అనుసరించాల్సిన వ్యూహంపై నేతలకు చంద్రబాబు దిశానిర్దేశం చేశారు. కూటమి పార్టీల మధ్య సమన్వయాన్ని బలోపేతం చేయాలని సూచించారు. ప్రత్యర్థులు చేసే దుష్ప్రచారాన్ని సమర్థంగా తిప్పికొట్టడంతో పాటు, క్షేత్రస్థాయిలో పార్టీ శ్రేణులు సమన్వయంతో పనిచేసేలా చర్యలు తీసుకోవాలని నేతలకు సూచించినట్లు సమాచారం.