కుప్పం స్పెషల్ ఆఫీసర్ ఐఏఎస్ వికాస్ మర్మత్‌పై బెంగళూరులో కేసు

బెంగళూరులో కుప్పం స్పెషల్ ఆఫీసర్, ఐఏఎస్ అధికారి వికాస్ మర్మత్‌పై క్రిమినల్ కేసు నమోదైంది. బెంగళూరులోని రెసిడెన్సీ రోడ్డులో ఉన్న కావోర్ బార్ అండ్ రెస్టారెంట్‌లో జరిగిన ఘటనకు సంబంధించి ఈ కేసు నమోదైనట్లు సమాచారం. మద్యం మత్తులో ఉన్న వికాస్ మర్మత్ పోలీసుల పట్ల దురుసుగా ప్రవర్తిస్తూ, దూషణలకు దిగినట్లు ఆరోపణలు వచ్చాయి.

ఈ ఘటనకు సంబంధించి వికాస్ మర్మత్‌తో పాటు అభయ్ ఉదయ్ సింగ్, నితీష్, రోషన్‌లపై కూడా కేసు నమోదైంది. బెంగళూరులోని కబ్బన్ పార్క్ పోలీస్ స్టేషన్‌లో కేసు నంబర్ 150/2026గా కేసు నమోదు చేసినట్లు సమాచారం. ఈ ఘటనకు సంబంధించిన పూర్తి వివరాలు, పోలీసుల తదుపరి చర్యలపై మరింత సమాచారం వెలువడాల్సి ఉంది.