అబుధాబిలో చికిత్స పొందుతున్న కెప్టెన్ స్మిత్ మచ్చర్ పరామర్శించిన దుబాయ్ యువరాజు

ఫ్లైదుబాయ్ విమాన ఘటనలో తీవ్రంగా గాయపడిన కెప్టెన్ స్మిత్ మచ్చర్ ప్రస్తుతం అబుధాబిలోని ఆసుపత్రిలో చికిత్స పొందుతున్నారు. ఆయన ఆరోగ్యం మెరుగుపడుతోందని యూఏఈలోని భారత రాయబార కార్యాలయం వెల్లడించింది. కెప్టెన్ స్మిత్‌కు అత్యుత్తమ వైద్య సంరక్షణ అందుతోందని, ఆయన కుటుంబ సభ్యులు, స్థానిక అధికారులతో నిరంతరం సంప్రదింపులు కొనసాగిస్తున్నామని ఎంబసీ తెలిపింది. ఆయన త్వరగా కోలుకోవాలని ఆకాంక్షిస్తూ, వైద్య సహకారం అందిస్తున్న యూఏఈ ప్రభుత్వానికి కృతజ్ఞతలు తెలిపింది.

మరోవైపు యూఏఈ ఉప ప్రధాని, దుబాయ్ యువరాజు షేక్ హమ్దాన్ బిన్ మహమ్మద్ బిన్ రషీద్ అల్ మక్తూమ్ ఆసుపత్రికి వెళ్లి కెప్టెన్ స్మిత్ మచ్చర్‌ను పరామర్శించారు. విమానంలోని ప్రయాణికుల ప్రాణాలను కాపాడేందుకు స్మిత్ ధైర్యం, బాధ్యతతో వ్యవహరించారని హమ్దాన్ ప్రశంసించారు. ఫ్లైదుబాయ్ FZ1073 విమానంలో కో-పైలట్ దాడి చేసిన ఘటనలో స్మిత్ గాయపడగా, అనంతరం విమానాన్ని సౌదీ అరేబియాలోని తబూక్‌కు మళ్లించి సురక్షితంగా ల్యాండ్ చేశారు. ఈ ఘటనపై దర్యాప్తు కొనసాగుతోంది.