

ఆంధ్రప్రదేశ్లో మూడో విడత గ్రామ పంచాయతీ ఎన్నికలకు రాష్ట్ర ఎన్నికల సంఘం నోటిఫికేషన్ విడుదల చేసింది. రాష్ట్ర ఎన్నికల కమిషనర్ అనిల్ చంద్ర పునేఠా గురువారం ఈ నోటిఫికేషన్ జారీ చేశారు. ఈ విడతలో రాష్ట్రంలోని 25 జిల్లాలకు చెందిన వివిధ రెవెన్యూ డివిజన్ల పరిధిలోని మండలాల్లో సర్పంచ్, వార్డు సభ్యుల ఎన్నికలు నిర్వహించనున్నారు. షెడ్యూల్ ప్రకారం ఈ నెల 21 నుంచి 23వ తేదీ వరకు నామినేషన్లను స్వీకరిస్తారు. ఈ నెల 24న నామినేషన్ల పరిశీలన చేపడతారు. నవంబర్ 25న నామినేషన్ల తిరస్కరణపై అప్పీళ్ల స్వీకరణ, 26న వాటి పరిష్కారం ఉంటుంది. ఈ నెల 27వ తేదీ మధ్యాహ్నం 3 గంటల వరకు నామినేషన్ల ఉపసంహరణకు అవకాశం కల్పించారు. అనంతరం తుది అభ్యర్థుల జాబితాను ప్రకటిస్తారు.
ఎన్నికలు అవసరమైన గ్రామ పంచాయతీల్లో డిసెంబర్ 2న ఉదయం 7 నుంచి మధ్యాహ్నం 1 గంట వరకు పోలింగ్ నిర్వహిస్తారు. అదే రోజు మధ్యాహ్నం 2 గంటల నుంచి ఓట్ల లెక్కింపు చేపట్టి ఫలితాలను ప్రకటిస్తారు. ఫలితాలు వెల్లడైన రోజే ఉపసర్పంచ్ ఎన్నికను కూడా నిర్వహిస్తారు. అనివార్య కారణాలతో ఆ రోజు ఎన్నిక నిర్వహించలేని పక్షంలో మరుసటి రోజు చేపడతారు. రీపోలింగ్ అవసరమైన గ్రామ పంచాయతీల్లో డిసెంబర్ 3న పోలింగ్ నిర్వహించి, అదే రోజు ఓట్ల లెక్కింపు చేపడతారు. రీపోలింగ్ ఫలితాలు ప్రకటించిన తర్వాతే ఆయా గ్రామాల్లో ఉపసర్పంచ్ ఎన్నిక నిర్వహిస్తామని రాష్ట్ర ఎన్నికల కమిషనర్ వెల్లడించారు.



కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!