అకృతి చౌదరి నిర్బంధం కేసులో కీలక పరిణామం..

ఏప్రిల్‌ 2026లో నోయిడాలో జరిగిన కార్మికుల నిరసనలకు సంబంధించిన కేసులో ఢిల్లీ యూనివర్సిటీ విద్యార్థిని అకృతి చౌదరిని జాతీయ భద్రతా చట్టం (NSA) కింద నిర్బంధించిన వ్యవహారంలో కీలక పరిణామం చోటుచేసుకుంది. గౌతమ్‌ బుద్ధ నగర్‌ జిల్లా కలెక్టర్‌ మెధా రూపమ్‌ దాఖలు చేసిన పిటిషన్‌పై బుధవారం సుప్రీంకోర్టు విచారణ చేపట్టింది. ఈ సందర్భంగా కోర్టు ఆడియోను మ్యూట్‌ చేసి, వర్చువల్‌ కోర్టు యాక్సెస్‌ను మూసివేసింది. అనంతరం పిటిషన్‌పై ఉత్తర్వులను రిజర్వ్‌ చేసింది.

అకృతి చౌదరి NSA నిర్బంధాన్ని సెప్టెంబర్‌ 2న అలహాబాద్‌ హైకోర్టు కొట్టివేసింది. అలాగే ఆమెకు రూ.5 లక్షల పరిహారం చెల్లించాలని, ఆ మొత్తాన్ని సంబంధిత అధికారుల జీతాల నుంచి వసూలు చేయాలని ఆదేశించింది. ఈ ఆదేశాలను మెధా రూపమ్‌ సుప్రీంకోర్టులో సవాల్‌ చేశారు. అనంతరం సుప్రీంకోర్టు హైకోర్టు తీర్పులోని కీలక భాగాల అమలుపై మధ్యంతర స్టే విధించింది. తదుపరి విచారణను అక్టోబర్‌ 7కు వాయిదా వేసింది. వర్చువల్‌ విచారణకు యాక్సెస్‌ను ఎందుకు పరిమితం చేశారనే విషయాన్ని కోర్టు బహిరంగంగా వెల్లడించలేదు.