సీఎం రేవంత్‌రెడ్డి అధ్యక్షతన తెలంగాణ కేబినెట్‌ భేటీ

ముఖ్యమంత్రి రేవంత్‌రెడ్డి అధ్యక్షతన అక్టోబర్‌ 1న తెలంగాణ కేబినెట్‌ సమావేశం జరగనుంది. ఈ భేటీలో గ్లోబల్‌ సమ్మిట్‌ 2027 నిర్వహణ, హైదరాబాద్‌ మెట్రో ఫేజ్‌-1 స్వాధీనం, ఫేజ్‌-2 విస్తరణ, నిర్మాణ వ్యయానికి సంబంధించిన అంశాలపై చర్చించే అవకాశం ఉంది. అలాగే మూసీ రివర్‌ ఫ్రంట్‌ ప్రాజెక్టు ఫేజ్‌-1 పూర్తి కావడంతో తదుపరి దశ భూసేకరణపై కీలక నిర్ణయం తీసుకునే అవకాశముంది. రీజినల్‌ రింగ్‌ రోడ్‌ నిర్మాణం, నిధులు, అనుమతులపైనా మంత్రివర్గం చర్చించే అవకాశం ఉంది.

ఇందిరమ్మ చీరల పంపిణీతో పాటు ఉద్యోగులు, పరిపాలన, సంక్షేమానికి సంబంధించిన పలు అంశాలు కూడా కేబినెట్‌ అజెండాలో ఉండే అవకాశం ఉంది. ఉద్యోగుల డీఏ, పీఆర్‌సీ, పెండింగ్‌ బిల్లుల చెల్లింపులపై నిర్ణయం తీసుకునే అవకాశమున్నట్లు సమాచారం. అలాగే రాజీవ్‌ యువ వికాసం పథకానికి సంబంధించిన విధివిధానాలు, అమలు ప్రారంభ తేదీపై కూడా కేబినెట్‌లో చర్చించే అవకాశం ఉంది. రాష్ట్ర అభివృద్ధి, మౌలిక వసతులు, ఉద్యోగులు, సంక్షేమ అంశాలపై ఈ సమావేశంలో కీలక నిర్ణయాలు వెలువడే అవకాశముంది.