తెలంగాణలో ఉద్యోగుల డేటా డిజిటలైజేషన్...

తెలంగాణలో ప్రభుత్వ ఉద్యోగుల వివరాలను డిజిటల్ రూపంలోకి తీసుకొచ్చేందుకు ప్రభుత్వం eHRMS విధానాన్ని వేగవంతం చేస్తోంది. ఉద్యోగులకు సంబంధించిన డేటా నమోదును ఈ నెల 15లోగా పూర్తి చేయాలని ప్రభుత్వ ప్రధాన కార్యదర్శి సంజయ్ జాజు అధికారులను ఆదేశించారు. ఉద్యోగుల సమాచారాన్ని ఒకే డిజిటల్ వేదికపై అందుబాటులోకి తీసుకురావడం ద్వారా రికార్డుల నిర్వహణను మరింత సులభతరం చేయాలని ప్రభుత్వం లక్ష్యంగా పెట్టుకుంది.

eHRMSలో ఉద్యోగుల నియామకాలు, సర్వీస్ రికార్డులు, జీతభత్యాలు, పదోన్నతులు, వార్షిక గోప్యతా నివేదికలు (ACRs) సహా కీలక వివరాలను నమోదు చేయనున్నారు. ఈ ప్రక్రియపై సమీక్ష సందర్భంగా ఇప్పటివరకు 3.48 లక్షల మంది ఉద్యోగుల డేటా నమోదు చేసినట్లు, మొత్తం పనిలో 93 శాతం పూర్తయినట్లు అధికారులు సీఎస్‌కు వివరించారు. మిగిలిన డేటా నమోదును గడువులోగా పూర్తి చేయాలని అధికారులకు సూచించారు.