త్రిషతో విజయ్‌కు ప్రమాదం - వేణుస్వామి

విజయ్ రాజకీయాల్లోకి ప్రవేశించిన తర్వాత తమిళనాడు రాజకీయాల్లో ఆయన చుట్టూ అనేక చర్చలు జరుగుతున్నాయి. ముఖ్యంగా నటి త్రిష, విజయ్ మధ్య సంబంధంపై వస్తున్న పుకార్లు సోషల్ మీడియాలో తరచూ వైరల్ అవుతున్నాయి. ఈ నేపథ్యంలో ప్రముఖ జ్యోతిష్యుడు వేణుస్వామి చేసిన వ్యాఖ్యలు మరోసారి చర్చనీయాంశంగా మారాయి. త్రిష, విజయ్ మధ్య రిలేషన్ ఉందనే ప్రచారం నేపథ్యంలో వీరిద్దరి గురించి ఆయన చేసిన వ్యాఖ్యలు ఇప్పుడు వైరల్ అవుతున్నాయి.

తాజాగా ఓ ఇంటర్వ్యూలో వేణుస్వామి మాట్లాడుతూ, త్రిషతో విజయ్‌కు జాతకపరంగా అనుకూలత లేదని పేర్కొన్నారు. ‘అతడు’ సినిమా సమయంలోనే త్రిషకు జాతకం చెప్పానని, ఆమె రాజకీయాల్లోకి రావడం సరైన నిర్ణయం కాదని అప్పుడే చెప్పినట్లు తెలిపారు. త్రిషకు రాజకీయాలు అనుకూలించవని, ఆమె రాజకీయాల్లోకి వస్తే ఆశించిన స్థాయికి చేరుకోలేరని అన్నారు. అంతేకాకుండా, త్రిష విజయ్‌కు దగ్గరవడం ఆయనకు ప్రమాదకరమని, ఆమె ఉపముఖ్యమంత్రి కాలేరని వేణుస్వామి వ్యాఖ్యానించారు. ఈ వ్యాఖ్యలు తమిళనాడుతో పాటు తెలుగు రాష్ట్రాల్లోనూ చర్చకు దారి తీశాయి.