భారత్‌ శాంతి ప్రతిపాదనకు ఉక్రెయిన్‌ ప్రశంసలు

రష్యా-ఉక్రెయిన్‌ యుద్ధానికి ముగింపు పలికేందుకు భారత్‌ చేసిన ప్రతిపాదన అత్యంత సమగ్రంగా ఉందని ఉక్రెయిన్‌ విదేశాంగ మంత్రి ఆండ్రీ సిబిహా పేర్కొన్నారు. ఉక్రెయిన్‌ వద్ద ప్రస్తుతం భారత్‌, అమెరికా, ఈజిప్టు, తుర్కియే నుంచి వచ్చిన నాలుగు ప్రతిపాదనలు ఉన్నాయని తెలిపారు. ఇంధన, విద్యుత్‌, పోర్టు మౌలిక వసతులపై దాడులను నిలిపివేయడంతో పాటు నల్ల సముద్రంలో కాల్పుల విరమణకు తాము సిద్ధంగా ఉన్నామని సిబిహా చెప్పారు.

భారత్‌ ప్రతిపాదనలో ఇంధన, పోర్టు మౌలిక వసతులపై దాడులను పూర్తిగా నిలిపివేయడం, నల్ల సముద్రం ద్వారా ఆహార ధాన్యాలు, ఇతర సరుకుల రవాణాకు ఆటంకాలు లేకుండా చూడటం వంటి అంశాలు ఉన్నాయని సిబిహా వివరించారు. యుద్ధరేఖ వెంట విస్తృత కాల్పుల విరమణను కూడా పరిశీలించేందుకు ఉక్రెయిన్‌ సిద్ధంగా ఉందన్నారు. ఇదిలా ఉండగా, రష్యా అధ్యక్షుడు వ్లాదిమిర్‌ పుతిన్‌ కూడా ప్రధాని నరేంద్ర మోదీకి యుద్ధానికి పరిష్కారం కనుగొనేందుకు “చాలా మంచి ఆలోచనలు” ఉన్నాయని ఇటీవల వ్యాఖ్యానించారు.