

ప్రేమ వ్యవహారం బెడిసికొట్టడంతో మాజీ ప్రియుడిని భయపెట్టేందుకు షీ టీమ్స్ పేరుతో నకిలీ పోలీసు నోటీసు సృష్టించిన యువతి, ఆమె స్నేహితుడిపై హైదరాబాద్లోని సైఫాబాద్ పోలీసులు కేసు నమోదు చేశారు. కేపీహెచ్బీ కాలనీకి చెందిన ఓ యువకుడికి హరి అనే వ్యక్తి వాట్సప్ ద్వారా షీ టీమ్స్ కార్యాలయంలో విచారణకు హాజరు కావాలంటూ నోటీసు పంపాడు. దాన్ని నిజమైన పోలీసు నోటీసుగా భావించిన యువకుడు విచారణ కోసం షీ టీమ్స్ కార్యాలయానికి వెళ్లాడు. అయితే, ఆ నోటీసు నకిలీదని గుర్తించిన అధికారులు ఈ విషయాన్ని సీరియస్గా తీసుకున్నారు. షీ టీమ్స్ ఎస్ఐ వెంకటేశ్ ఇచ్చిన ఫిర్యాదు మేరకు సైఫాబాద్ పోలీసులు కేసు నమోదు చేశారు.
పోలీసుల ప్రాథమిక విచారణ ప్రకారం.. మహీంద్రా యూనివర్సిటీకి చెందిన 24 ఏళ్ల విద్యార్థిని ఆ యువకుడితో ఐదేళ్లుగా ప్రేమలో ఉంది. పెళ్లి చేసుకుంటానని హామీ ఇచ్చిన యువకుడు ఏడాది కాలంగా ఆమెకు దూరంగా ఉంటూ, సోషల్ మీడియాలో కూడా బ్లాక్ చేసినట్లు సమాచారం. దీంతో అతడిపై కక్ష పెంచుకున్న యువతి.. ఏఐ సాయంతో షీ టీమ్స్ పేరుతో నకిలీ నోటీసును రూపొందించి, హరి అనే స్నేహితుడి ద్వారా వాట్సప్లో పంపినట్లు వెల్లడైంది. ఈ ఘటనపై సైఫాబాద్ పోలీసులు కేసు నమోదు చేసి, యువతి, ఆమె స్నేహితుడి పాత్రపై దర్యాప్తు చేస్తున్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!