ఆమిర్ ఖాన్ జీవితంలో కొత్త అధ్యాయం..

బాలీవుడ్ నటుడు ఆమిర్ ఖాన్ తన వ్యక్తిగత జీవితంలో కొత్త అధ్యాయాన్ని ప్రారంభించబోతున్నారనే వార్తలు వినిపిస్తున్నాయి. చిరకాల స్నేహితురాలు గౌరీ స్ప్రాట్‌తో ఆయన వివాహం చేసుకోనున్నట్లు పలు మీడియా కథనాలు పేర్కొంటున్నాయి. ముంబైలోని బాంద్రా నివాసంలో అత్యంత సన్నిహితుల సమక్షంలో ఈ వేడుక జరగనుండగా, సుమారు 150 మంది అతిథులు హాజరుకానున్నట్లు సమాచారం.

ఈ వేడుకకు ఆమిర్ ఖాన్ మాజీ భార్యలు, ఆయన పిల్లలు జునైద్, ఐరా, ఆజాద్‌తో పాటు గౌరీ స్ప్రాట్ తొలి వివాహం ద్వారా జన్మించిన కుమారుడు కూడా హాజరయ్యే అవకాశం ఉన్నట్లు వార్తలు చెబుతున్నాయి. అయితే ఈ వివాహంపై ఆమిర్ ఖాన్ లేదా ఆయన ప్రతినిధుల నుంచి ఇప్పటివరకు అధికారిక ప్రకటన వెలువడలేదు.