కాంచన 4 - లారెన్స్‌కు పెరుగుతున్న భారం?

రాఘవ లారెన్స్ ప్రధాన పాత్రలో తెరకెక్కుతున్న హారర్ ఫ్రాంచైజీ చిత్రం ‘కాంచన 4’పై మొదటి నుంచీ భారీ అంచనాలు నెలకొన్నాయి. ‘జిగర్తండ డబుల్ ఎక్స్’ తర్వాత ప్రారంభమైన ఈ ప్రాజెక్ట్‌ను గత చిత్రాల కంటే మరింత భారీ స్థాయిలో రూపొందిస్తున్నట్లు తెలుస్తోంది. పూజా హెగ్డే, నోరా ఫతేహి, నయనతార వంటి ప్రముఖ నటీనటులు భాగమైన ఈ సినిమాకు ఫ్రాంచైజీ క్రేజ్‌కు తగ్గట్టుగా కథ, నిర్మాణ విలువలను పెంచుతున్నట్లు సమాచారం.

అయితే షూటింగ్ ప్రారంభమై దాదాపు రెండేళ్లు పూర్తవుతున్నా ఇంకా సుమారు 80 రోజుల చిత్రీకరణ మిగిలి ఉందనే ప్రచారం ఇప్పుడు చర్చకు దారితీస్తోంది. ఈ ఆలస్యం కారణంగా సినిమా నిర్మాణ వ్యయం గణనీయంగా పెరుగుతోందని వ్యాపార వర్గాల్లో ప్రచారం జరుగుతోంది. పెరుగుతున్న ఖర్చులు నిర్మాతలకు ఆర్థిక భారంగా మారుతున్న నేపథ్యంలో వచ్చే వేసవిలో సినిమా విడుదల సాధ్యమవుతుందా? అనే సందేహాలు వ్యక్తమవుతున్నాయి. అయితే ఈ అంశాలపై చిత్రబృందం నుంచి అధికారిక స్పష్టత రావాల్సి ఉంది.