మెగా ఫ్యాన్స్‌కు రేపే బిగ్‌ ట్రీట్!

మెగాస్టార్‌ చిరంజీవి హీరోగా తెరకెక్కుతున్న ‘మెగా158’ చిత్ర టైటిల్‌ గ్లింప్స్‌ ప్రత్యేక ప్రదర్శనకు ఏర్పాట్లు పూర్తయ్యాయి. బ్లాక్‌బస్టర్‌ దర్శకుడు బాబీ, సంగీత దర్శకుడు ఎస్‌.ఎస్‌. థమన్‌ ఈ ప్రత్యేక స్క్రీనింగ్‌లో అభిమానులతో కలిసి పాల్గొననున్నారు. రేపు ఉదయం 8:30 గంటలకు శ్రీరాములు థియేటర్‌లో ఈ కార్యక్రమం జరగనుంది.

చిరంజీవి పుట్టినరోజు సందర్భంగా నిర్వహిస్తున్న ఈ ప్రత్యేక ప్రదర్శనపై అభిమానుల్లో భారీ ఆసక్తి నెలకొంది. ‘మెగా158’తో మెగాస్టార్‌ను సరికొత్త కోణంలో చూపించేందుకు దర్శకుడు బాబీ సిద్ధమవుతున్నట్లు చిత్రబృందం పేర్కొంది. టైటిల్‌ గ్లింప్స్‌లో చిరంజీవి కొత్త లుక్‌, పాత్రపై మరిన్ని వివరాలు వెల్లడయ్యే అవకాశం ఉండటంతో మెగా అభిమానులు ఆసక్తిగా ఎదురుచూస్తున్నారు.