

మెగాస్టార్ చిరంజీవితో కలిసి తెరను పంచుకునే అవకాశం రావడం తనకు ఎంతో ఆనందంగా ఉందని నటి అనస్వర రాజన్ తెలిపారు. అనీష్తో కలిసి ఆమె నటించిన ‘ఇట్లు అర్జున్’ సినిమా నవంబర్ 13న విడుదలైంది. ఈ సినిమా విజయాన్ని పురస్కరించుకుని నిర్వహించిన సక్సెస్ మీట్కు చిరంజీవి, నాగార్జున ముఖ్య అతిథులుగా హాజరయ్యారు. ఈ కార్యక్రమంలో మాట్లాడిన అనస్వర.. చిరంజీవి తనకు ఎప్పుడూ గొప్ప స్ఫూర్తినిచ్చే వ్యక్తి అని, ఆయనతో కలిసి ‘కాకా’ సినిమాలో పనిచేయడం తన అదృష్టమని చెప్పారు. ఈ ప్రాజెక్టులో భాగమైనందుకు ఎంతో ఉత్సాహంగా ఉన్నానని వెల్లడించారు.
బాబీ కొల్లి దర్శకత్వంలో తెరకెక్కుతున్న ‘కాకా’ చిత్రాన్ని కేవీఎన్ ప్రొడక్షన్స్ భారీ స్థాయిలో నిర్మిస్తోంది. ఇందులో చిరంజీవితో పాటు మలయాళ స్టార్ మోహన్లాల్ కీలక పాత్రలో కనిపించనున్నారు. ప్రియమణి, నివేదా పేతురాజ్, రచితా రామ్, అనురాగ్ కశ్యప్, సునీల్, మురళీ మోహన్ తదితరులు ఇతర ముఖ్య పాత్రలు పోషిస్తున్నారు. ప్రస్తుతం ఈ సినిమా షూటింగ్ వేగంగా కొనసాగుతోంది. వచ్చే ఏడాది సంక్రాంతి సందర్భంగా జనవరి 13, 2027న సినిమాను థియేటర్లలో విడుదల చేయాలని నిర్మాతలు ప్రణాళికలు సిద్ధం చేస్తున్నారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!