

అమెరికాలో స్థిరపడిన రాధిక జయంతి దర్శకత్వంలో తెరకెక్కుతున్న ఇంటెన్స్ యాక్షన్ డ్రామా ‘రాయవలస’తో ఆమె కుమారుడు కార్తీక్ జయంతి హీరోగా పరిచయం అవుతున్నారు. ఈ చిత్రంలో అన్నపూర్ణమ్మ, జయప్రకాశ్, కాశీ విశ్వనాథ్ కీలక పాత్రల్లో నటిస్తున్నారు. రేసన్ ప్రొడక్షన్స్ బ్యానర్పై గోపీ కృష్ణ ప్రతిష్టాత్మకంగా నిర్మిస్తున్న ఈ సినిమా డిసెంబర్ 11న ప్రపంచవ్యాప్తంగా థియేటర్లలో విడుదల కానుంది. విడుదల తేదీ దగ్గరపడుతుండటంతో చిత్ర బృందం ప్రమోషన్లను వేగవంతం చేసింది. ఇప్పటికే మ్యూజికల్ జర్నీని ప్రారంభించి రెండు పాటలను విడుదల చేసిన మేకర్స్, తాజాగా మూడో పాటకు సంబంధించిన అప్డేట్ను పంచుకున్నారు.
“సినిమాలోని మాస్ కోణాన్ని చూశారు. ఇక ఇప్పుడు ప్రేమలో పడాల్సిన సమయం వచ్చేసింది. బ్యూటిఫుల్ మెలోడీ లోడింగ్” అంటూ ఆసక్తికరమైన క్యాప్షన్తో మూడో పాట విడుదల తేదీని ప్రకటించారు. ఈ మెలోడీ పాటను నవంబర్ 20న విడుదల చేయనున్నట్లు చిత్ర బృందం వెల్లడించింది. ఇప్పటికే విడుదలైన రెండు పాటలకు కొనసాగింపుగా రాబోతున్న ఈ మూడో పాటపై ప్రేక్షకుల్లో ఆసక్తి నెలకొంది. యాక్షన్తో పాటు ప్రేమభరితమైన మెలోడీతోనూ సినిమా సంగీత ప్రియులను ఆకట్టుకునేందుకు సిద్ధమవుతోంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!