బ్రేకప్ తర్వాతే ‘సిగ్మా’పై ఫోకస్.. జాసన్ సంజయ్‌ ఆసక్తికర విషయాలు

తమిళనాడు ముఖ్యమంత్రి విజయ్ కుమారుడు, ‘సిగ్మా’ చిత్ర దర్శకుడు జాసన్ సంజయ్ తన వ్యక్తిగత జీవితం గురించి తొలిసారి ఆసక్తికర విషయాలను వెల్లడించారు. తన జీవితంలో ఒకే ఒక్క ప్రేమకథ ఉందని, కాలేజీ రోజుల్లో సుమారు ఏడాదిన్నర పాటు కొనసాగిన ఆ బంధం మ్యూచువల్ బ్రేకప్‌తో ముగిసిందని తెలిపారు. విదేశాల్లో చదువుకుంటున్న సమయంలో తమ మధ్య దూరం పెరగడంతో ఇద్దరూ పరస్పర అంగీకారంతో విడిపోయినట్లు చెప్పారు.

బ్రేకప్‌ తర్వాత యువన్‌ శంకర్‌ రాజా లవ్‌ సాంగ్స్‌ ఎక్కువగా వింటూ ఆ బాధ నుంచి బయటపడేందుకు ప్రయత్నించానని జాసన్ తెలిపారు. గత జ్ఞాపకాల్లో చిక్కుకోకుండా సోషల్ మీడియాకు కూడా దూరంగా ఉన్నానని చెప్పారు. ప్రస్తుతం గతాన్ని వదిలేసి జీవితంలో ముందుకు సాగుతున్నానని, ఆ తర్వాతే ‘సిగ్మా’ పనిపై పూర్తిగా దృష్టి పెట్టినట్లు వెల్లడించారు. సందీప్ కిషన్, ఫరియా అబ్దుల్లా జంటగా నటించిన ఈ చిత్రం అక్టోబర్ 2న విడుదలైంది. జాసన్ సంజయ్ దర్శకత్వం వహించిన ఈ సినిమాను లైకా ప్రొడక్షన్స్‌పై సుభాస్కరన్ నిర్మించారు.