స్టార్ హీరోలతో ధనుష్ ‘ఓం’ పోటీ

సినిమా ఇండస్ట్రీలో ముందుగా విడుదల తేదీ ప్రకటించినప్పటికీ, భారీ సినిమాలు అదే సమయంలో విడుదలైతే కొన్ని చిత్రాలు తమ రిలీజ్‌ను వాయిదా వేసుకోవాల్సి వస్తుంది. ప్రస్తుతం ధనుష్ నటిస్తున్న ఓం సినిమాకు కూడా అలాంటి పరిస్థితి ఎదురయ్యే అవకాశం ఉందని చర్చ జరుగుతోంది. ఈ సినిమాను అక్టోబర్ 16న విడుదల చేయనున్నట్లు మేకర్స్ ఇప్పటికే ప్రకటించారు.

అయితే, అక్టోబర్ 15న రజనీకాంత్ నటిస్తున్న జైలర్ 2 విడుదలకు సిద్ధమవుతుండగా, చిరంజీవి విశ్వంభర కూడా అదే సమయంలో విడుదలయ్యే అవకాశాలు ఉన్నట్లు ప్రచారం ఉంది. దీంతో తమిళ్, తెలుగు ఇండస్ట్రీల్లో భారీ పోటీ నెలకొనే అవకాశం ఉంది. ఈ నేపథ్యంలో ఓం రిలీజ్ డేట్ మారే అవకాశం ఉందని కోలీవుడ్ వర్గాల్లో చర్చ నడుస్తోంది.