

ధనుష్ తాజాగా గూఢచారి నేపథ్యంలో సాగే యాక్షన్ థ్రిల్లర్ 'ఓం'తో ప్రేక్షకుల ముందుకు వచ్చారు. 'అమరన్' సినిమాతో గుర్తింపు తెచ్చుకున్న దర్శకుడు రాజ్కుమార్ పెరియసామి ఈ చిత్రాన్ని తెరకెక్కించారు. భారీ అంచనాల మధ్య థియేటర్లలో విడుదలైన ఈ సినిమాకు ప్రేక్షకుల నుంచి మిశ్రమ స్పందన లభిస్తోంది. అయితే బాక్సాఫీస్ వద్ద మాత్రం ఈ చిత్రం మంచి ఆరంభాన్ని అందుకుంది. చిత్ర నిర్మాతలు వెల్లడించిన వివరాల ప్రకారం.. 'ఓం' మొదటి రోజే ప్రపంచవ్యాప్తంగా రూ.40 కోట్ల గ్రాస్ వసూలు చేసింది. దీంతో ధనుష్ కెరీర్లోనే అత్యధిక ఓపెనింగ్ సాధించిన చిత్రంగా నిలిచింది.
మంచి వసూళ్లతో ప్రారంభమైనప్పటికీ, తమిళనాడులో విడుదలకు సంబంధించిన కొన్ని సమస్యలు ఎదురుకావడంతో సినిమా పూర్తి స్థాయిలో వసూళ్లు సాధించే అవకాశాలు ప్రభావితమైనట్లు సమాచారం. ఈ చిత్రంలో మమ్ముట్టి, సాయి పల్లవి, శ్రీలీల కీలక పాత్రల్లో నటించారు. వండర్బార్ ఫిల్మ్స్, ఆర్టేక్ స్టూడియోస్ సంయుక్తంగా ఈ సినిమాను నిర్మించాయి. ప్రస్తుతం సంగీత దర్శకుడిగా మంచి గుర్తింపు తెచ్చుకుంటున్న సాయి అభ్యంకర్ ఈ చిత్రానికి సంగీతం అందించారు. రికార్డు స్థాయి ఓపెనింగ్తో ప్రారంభమైన 'ఓం' సినిమా మిశ్రమ స్పందనల మధ్య రాబోయే రోజుల్లో బాక్సాఫీస్ వద్ద ఎలాంటి ప్రదర్శన కనబరుస్తుందో చూడాలి.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!