

దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ (డీపీఐఎఫ్ఎఫ్) అవార్డ్స్ 2026 విజేతలను ప్రకటించారు. భారతీయ, అంతర్జాతీయ సినిమా, వెబ్ సిరీస్, టెలివిజన్, సంగీతం, షార్ట్ ఫిల్మ్స్ విభాగాల్లో మొత్తం 41 కేటగిరీలకు అవార్డులను ప్రకటించారు. ఈ ఏడాది రణవీర్ సింగ్ నటించిన ధురంధర్ అత్యధిక పురస్కారాలతో ప్రత్యేక ఆకర్షణగా నిలిచింది. ఉత్తమ చిత్రం, ఉత్తమ నటుడు, ఉత్తమ దర్శకుడు విభాగాల్లో ఈ సినిమా అవార్డులు అందుకుంది. సయ్యారా చిత్రానికి గాను అనీత్ పడ్డా ఉత్తమ నటిగా నిలవగా, కాంతార: చాప్టర్ 1 చిత్రానికి రిషబ్ శెట్టి క్రిటిక్స్ ఉత్తమ నటుడి అవార్డును గెలుచుకున్నారు. హక్ చిత్రానికి యామీ గౌతమ్ ధర్ క్రిటిక్స్ ఉత్తమ నటిగా ఎంపికయ్యారు. ధురంధర్ చిత్రంలో ప్రతినాయకుడి పాత్రకు అక్షయ్ ఖన్నా అవార్డు అందుకున్నారు.
ప్రత్యేక పురస్కారాల విభాగంలో భారతీయ సంగీత పరిశ్రమకు చేసిన సేవలకు ఇళయరాజా, సినీ పరిశ్రమకు చేసిన కృషికి కమల్ హాసన్, ప్రపంచ సినిమాకు అందించిన సేవలకు జేమ్స్ కామెరూన్ గౌరవాలు అందుకున్నారు. అంతర్జాతీయ ఆర్టిస్ట్ ఆఫ్ ది ఇయర్గా టేలర్ స్విఫ్ట్ ఎంపికయ్యారు. వెబ్ సిరీస్ విభాగంలో ది బ్యాడ్స్ ఆఫ్ బాలీవుడ్ ఉత్తమ సిరీస్గా నిలవగా, ఆర్యన్ ఖాన్ ఉత్తమ దర్శకుడిగా అవార్డు అందుకున్నారు. పాతాళ్ లోక్ సీజన్ 2కు జైదీప్ అహ్లావత్, ఢిల్లీ క్రైమ్ సీజన్ 3కు షెఫాలీ షా నటన విభాగాల్లో పురస్కారాలు గెలుచుకున్నారు. అంతర్జాతీయ చిత్రాల విభాగంలో అవతార్: ఫైర్ అండ్ యాష్ ఉత్తమ చిత్రంగా నిలిచింది. సిన్నర్స్ చిత్రానికి మైఖేల్ బి. జోర్డాన్, హామ్నెట్ చిత్రానికి జెస్సీ బక్లీ ఉత్తమ నటుడు, నటిగా ఎంపికయ్యారు. షార్ట్ ఫిల్మ్స్, టెలివిజన్ విభాగాల్లోనూ పలువురు విజేతలకు అవార్డులు ప్రకటించారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!