

ఎస్. కృష్ణ దర్శకత్వంలో తెరకెక్కిన యూత్ఫుల్ ఎంటర్టైనర్ 'హై' నవంబర్ 27న ప్రేక్షకుల ముందుకు రానుంది. ఈ సినిమా ట్రైలర్ను తాజాగా నిర్వహించిన కార్యక్రమంలో స్టార్ డైరెక్టర్ అనిల్ రావిపూడి విడుదల చేశారు. ట్రైలర్లో నాలుగు విభిన్నమైన పాత్రలను పరిచయం చేశారు. ఆత్మహత్య ఆలోచనలతో పోరాడే లిప్స్టిక్ లావణ్య, మద్యపానానికి బానిసైన గుడివాడ రాయుడు, ఆత్మగౌరవం కోసం పోరాడే సఫీనా, బెట్టింగ్ ఉచ్చులో చిక్కుకున్న హైదర్ పాత్రలు కథలో కీలకంగా కనిపిస్తున్నాయి. ఈ నాలుగు పాత్రల జీవితాల్లో చోటుచేసుకునే సంఘటనల ద్వారా మనుషులు తీసుకునే నిర్ణయాలు, వాటి ప్రభావాలను సినిమాలో చూపించనున్నారు.
తాత్కాలిక ఆనందాల కోసం తీసుకునే నిర్ణయాలు నిజమైన సంతృప్తిని ఇస్తాయా? అనే ఆసక్తికరమైన ప్రశ్న చుట్టూ 'హై' కథ సాగనుంది. ఈ చిత్రంలో అనన్య శర్మ, ఎస్. కృష్ణ, పల్లవి దొర, కృష్ణ కమల్, సాయి కృష్ణ, రేవంత్ ప్రధాన పాత్రల్లో నటిస్తున్నారు. హరీష్ పెద్ది, ఎస్. కృష్ణ సంయుక్తంగా ఈ చిత్రాన్ని నిర్మిస్తున్నారు. వికాస్ బడిస సంగీతం అందిస్తుండగా.. మల్లు నాయక్, సునీల్ రెడ్డి సినిమాటోగ్రఫీ బాధ్యతలు నిర్వర్తించారు. యువత జీవితాలకు దగ్గరగా ఉండే కథాంశం, సమకాలీన అంశాలతో ఈ సినిమా జెన్ జీ ప్రేక్షకులను ఆకట్టుకోవాలని లక్ష్యంగా పెట్టుకుంది.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!