

నటి రాధికా ఆప్టే ఇటీవల చేసిన వ్యాఖ్యలతో తలెత్తిన వివాదంపై హీరోయిన్ కీర్తి సురేశ్ తాజాగా స్పందించారు. ఆ వ్యాఖ్యలపై అప్పట్లో తన స్పందనకు సంబంధించిన కారణాన్ని వివరిస్తూ స్పష్టత ఇచ్చారు. ప్రస్తుతం తన కొత్త సినిమా ‘సత్యవాన్ సావిత్రి’ ప్రమోషన్లలో బిజీగా ఉన్న కీర్తి.. ఓ ఇంటర్వ్యూలో ఈ వివాదం గురించి మాట్లాడారు. రాధికా ఆప్టే వ్యాఖ్యలు చేసిన సమయంలో ఆమె ఉద్దేశం తనకు పూర్తిగా అర్థం కాలేదని తెలిపారు. ఆ సమయంలో రాధిక పక్కనే ఉండి కీర్తి నవ్వుతూ కనిపించడంతో సోషల్ మీడియాలో ఆమెపై కూడా విమర్శలు వ్యక్తమయ్యాయి.
గతంలో ఓ తెలుగు సినిమాలో తనకంటే ఎక్కువ వయసున్న నటుడితో రొమాన్స్ చేయాల్సి వచ్చిందని, కథలో భాగంగా తన మేనమామను పెళ్లి చేసుకునే పాత్రలో నటించానని రాధికా ఆప్టే వెల్లడించారు. ఈ వ్యాఖ్యలు సోషల్ మీడియాలో చర్చకు దారితీశాయి. తాజాగా దీనిపై వివరణ ఇచ్చిన కీర్తి సురేశ్.. రాధికా ఆప్టే దక్షిణాది సంప్రదాయం గురించి మాట్లాడుతున్నారని ఆ తర్వాత అర్థమైందని చెప్పారు. మన సంస్కృతిని తాను ఎప్పటికీ తక్కువ చేసి మాట్లాడనని స్పష్టం చేశారు. ఉత్తరాదివారికి దక్షిణాది సంప్రదాయాల గురించి పూర్తిస్థాయిలో తెలియకపోవచ్చని పేర్కొన్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!