అక్కడ అదిరిపోయిన ‘లెనిన్’.. ఇక లాభాల వర్షమే!

మురళీ కిషోర్ అబ్బూరు దర్శకత్వంలో అఖిల్ అక్కినేని హీరోగా, భాగ్యశ్రీ బోర్సే హీరోయిన్‌గా తెరకెక్కిన ఎమోషనల్ యాక్షన్ డ్రామా ‘లెనిన్’ అఖిల్ కెరీర్‌లోనే అత్యంత భారీ విజయంగా నిలిచింది. విడుదలైన తొలి రోజు నుంచే ప్రేక్షకుల నుంచి అద్భుతమైన ఆదరణను సొంతం చేసుకున్న ఈ చిత్రం ప్రపంచవ్యాప్తంగా మంచి వసూళ్లు సాధిస్తోంది.

తాజాగా యూఎస్ మార్కెట్‌లో కూడా ఈ సినిమా బ్రేక్‌ఈవెన్ సాధించినట్లు డిస్ట్రిబ్యూటర్లు అధికారికంగా ప్రకటించారు. దీంతో అమెరికాలో ఈ చిత్రం లాభాల జోన్‌లోకి ప్రవేశించింది. తెలుగు రాష్ట్రాల్లో కూడా మంచి బుకింగ్స్‌తో విజయవంతంగా ప్రదర్శితమవుతున్న ఈ సినిమా, రాబోయే వీకెండ్‌లో మరిన్ని భారీ వసూళ్లు నమోదు చేసే అవకాశాలు కనిపిస్తున్నాయి. ఈ చిత్రానికి థమన్ సంగీతం అందించగా, అక్కినేని నాగార్జున, సూర్యదేవర నాగవంశి నిర్మించారు.