

‘ఈ నగరానికి ఏమైంది’ సినిమాకు సీక్వెల్గా తెరకెక్కిన బడ్డీ కామెడీ ఎంటర్టైనర్ ‘ఈఎన్ఈ రిపీట్, ’ బాక్సాఫీస్ వద్ద మంచి ఆరంభాన్ని అందుకుంది. విడుదలైన తర్వాత ఈ సినిమాకు ప్రేక్షకుల నుంచి డీసెంట్ రివ్యూలు వస్తుండగా, వసూళ్ల పరంగానూ జోరు చూపిస్తోంది. విశ్వక్ సేన్, అభినవ్ గోమఠం, శ్రీనాథ్ మాగంటి, వెంకటేశ్ కాకుమాను ప్రధాన పాత్రల్లో నటించిన ఈ చిత్రానికి తరుణ్ భాస్కర్ దర్శకత్వం వహించారు. తాజాగా మేకర్స్ వెల్లడించిన వివరాల ప్రకారం, సినిమా ఇప్పటివరకు రూ.15.27 కోట్ల గ్రాస్ వసూళ్లను సాధించింది. విశేషమేమిటంటే, మొదటి భాగం లైఫ్టైమ్ వసూళ్లను కూడా ఈ మొత్తం అధిగమించింది. ఇతర సినిమాల నుంచి పోటీ ఉన్నప్పటికీ, రెండో రోజు కూడా ‘ఈఎన్ఈ రిపీట్, ’ బాక్సాఫీస్ వద్ద తన జోరును కొనసాగిస్తోంది.
ఈ సినిమాలో శివాత్మిక రాజశేఖర్, అనీషా అంబ్రోస్ కథానాయికలుగా నటించారు. సందీప్ రెడ్డి వంగా, సుజీత్, అనుదీప్ కేవీ తదితరులు ప్రత్యేక పాత్రల్లో మెరిశారు. సృజన్ యరబోలు, సందీప్ నాగిరెడ్డి ఈ చిత్రాన్ని నిర్మించగా, వివేక్ సాగర్ సంగీతాన్ని అందించారు. మొదటి భాగం సాధించిన లైఫ్టైమ్ గ్రాస్ను సీక్వెల్ ప్రారంభ వసూళ్లతోనే అధిగమించడం సినిమాపై ఆసక్తిని పెంచుతోంది. రాబోయే రోజుల్లో ఈ చిత్రం బాక్సాఫీస్ వద్ద ఎలాంటి వసూళ్లు సాధిస్తుందో చూడాలి.















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!