‘గాంధారి’ కోసం తాప్సీ మేకోవర్

తాప్సీ పన్ను ప్రధాన పాత్రలో నటిస్తున్న తాజా యాక్షన్ థ్రిల్లర్ చిత్రం గాంధారిపై ఆసక్తి పెరుగుతోంది. దేవాశిష్ మఖిజా దర్శకత్వం వహిస్తున్న ఈ సినిమాలో ఇష్వాక్ సింగ్, స్వస్తిక ముఖర్జీ కీలక పాత్రల్లో నటిస్తున్నారు. స్టోరీ పిక్చర్స్ బ్యానర్‌పై తెరకెక్కుతున్న ఈ చిత్రం త్వరలో నెట్‌ఫ్లిక్స్‌లో స్ట్రీమింగ్‌కు రానుంది. మహాభారతంలోని గాంధారి పాత్ర స్ఫూర్తితో ఆధునిక సమాజంలో ఓ తల్లి, భార్య ఎదుర్కొనే భావోద్వేగ సంఘర్షణలను ఈ సినిమాలో చూపించనున్నారు.

యాక్షన్ సన్నివేశాల కోసం తాప్సీ తీవ్రంగా శ్రమిస్తూ శారీరకంగా మేకోవర్ అవుతున్నట్లు తెలుస్తోంది. ఆమె కొత్త లుక్‌కు సంబంధించిన ఫొటో ఒకటి సోషల్ మీడియాలో వైరల్‌గా మారింది. విభిన్న కథాంశంతో తెరకెక్కుతున్న గాంధారి తన కెరీర్‌లో ప్రత్యేకమైన చిత్రంగా నిలుస్తుందని మేకర్స్ భావిస్తున్నారు. దీంతో ఈ సినిమా తాప్సీకి మంచి కమ్‌బ్యాక్ అవుతుందంటూ నెటిజన్లు అభిప్రాయపడుతున్నారు.